बाणेर, बालेवाडी, पाषाण, सुतारवाडी, सोमेश्वरवाडी, सुस, महाळुंगे आणि विधाते वस्ती परिसरात पूनम विधाते यांना आरतीचा मान, दिल्या गणेश भक्तांना शुभेच्छा..

बाणेर :

बाणेर परिसरात गणेशोत्सवाच्या पहिल्या दिवशी पारंपरिक श्रद्धा व उत्साहात पहिली आरती करण्याचा मान सौ. पूनम विशाल विधाते (कार्याध्यक्ष, राष्ट्रवादी महिला काँग्रेस पार्टी पुणे शहर व अध्यक्ष, वामा विमेन्स क्लब) यांना लाभला.

या वर्षी बाणेर, बालेवाडी, पाषाण, सुतारवाडी, सोमेश्वरवाडी, सुस आणि महाळुंगे या प्रभागातील विविध सोसायट्या तसेच गणेश मंडळांनी एकत्रितपणे गणेशोत्सव साजरा करण्यासाठी मोठ्या उत्साहाने सज्जता केली आहे. बाणेर परिसरातील सुस रोड, विधाते वस्ती व बाणेर गावठाणा येथे विशेष भक्तीभावाने श्री गणेशाची प्रतिष्ठापना करण्यात आली.

या ठिकाणी गणेशोत्सवाच्या पहिल्या दिवशीची आरती करण्यासाठी विशेष मान देण्यात आला होता. समाजातील विविध क्षेत्रातील नागरिक, महिला वर्ग, युवा कार्यकर्ते व मंडळाचे पदाधिकारी यांच्या उपस्थितीत सौ. पूनम विधाते यांनी गणेशमूर्तीसमोर आरती केली.

आरतीच्या वेळी वातावरणात मंत्रोच्चार, ढोल-ताशांचा गजर आणि भाविकांचा जयघोष घुमला. उपस्थित सर्वांनी पूनम ताईंच्या सामाजिक कार्याचे कौतुक केले आणि गणेशोत्सव हा एकोपा, भक्ती व संस्कारांचा संदेश देणारा पर्व असल्याचे प्रतिपादन केले.

गणेशभक्तांसोबत संवाद साधताना सौ. पूनम विधाते म्हणाल्या की, “गणेशोत्सव हा समाज एकत्र आणणारा आणि आपल्याला सकारात्मकतेची प्रेरणा देणारा सण आहे. गणरायाच्या कृपेने आपल्या समाजात सौहार्द, शांती आणि प्रगती लाभो हीच प्रार्थना.”

कार्यक्रमास स्थानिक नागरिक, सामाजिक संघटना, मंडळांचे पदाधिकारी, महिला वर्ग आणि युवकांची मोठ्या संख्येने उपस्थिती होती.