पेरिविंकलच्या कुस्तीपटू मुलींचा मुळशी तालुका स्पर्धेत पराक्रम! 

भरे :

भरे कुस्ती संकुल येथे झालेल्या मुळशी तालुका कुस्ती स्पर्धेत पिरंगुटच्या पेरिविंकल इंग्लिश मीडियम स्कूलच्या मुलींनी आपला दमदार झेंडा फडकावत अभिमानास्पद यश संपादन केले.

✨ अंडर-14 गटात स्पृहा कालेकर हिने दाखवलेल्या जिद्दीच्या जोरावर प्रथम क्रमांक पटकावला.
✨ अंडर-17 गटात हर्षदा बालकवडे हिने अतुलनीय खेळगडीपण व चिकाटी दाखवत प्रथम क्रमांक मिळवला.
✨ त्याच गटात वेदिका कालेकर हिने उत्तुंग प्रयत्नातून द्वितीय क्रमांक मिळवत शाळेच्या यशाचा मान वाढवला.

या उल्लेखनीय कामगिरीमागे विद्यार्थिनींना हनुमंत मनेरे सरांचे मोलाचे मार्गदर्शन लाभले.
विद्यार्थ्यांच्या सर्वांगीण विकासासाठी सतत आधारस्तंभ ठरणारे शाळेचे संस्थापक अध्यक्ष श्री. राजेंद्र बांदल, संचालिका सौ. रेखा बांदल व कु. शिवानी बांदल यांचे योगदान लक्षणीय आहे. त्यांच्या पाठबळामुळेच विद्यार्थिनींना हे यश गाठता आले.

प्राचार्या सौ. आसावरी हंचाटे यांच्या नेतृत्वाखाली विद्यार्थिनींना विविध क्षेत्रात सहभागी होण्यासाठी सतत प्रेरणा मिळते. तसेच माध्यमिक विभागप्रमुख सौ. पूनम पांढरे, प्राथमिक विभागप्रमुख सौ. सना इनामदार, व पूर्वप्राथमिक विभागप्रमुख सौ. पल्लवी नारखेडे यांच्या प्रोत्साहनामुळेच या यशाचा पाया भक्कम झाला.