सुसच्या पेरिविंकल शाळेमध्ये डॉ . महेश लोहार सर (Mind & life coach) यांच्या पदस्पर्शाने गुरुपौर्णिमा अत्यंत उत्साहात साजरी !!!

सुस :

चैतन्य विद्या प्रतिष्ठानच्या पेरीविंकल इंग्लिश मीडियम स्कूल अँड ज्युनियर कॉलेजच्या सुस शाखेमध्ये आज गुरुवार दिनांक १०जुलै २०२५ रोजी गुरुपौर्णिमे चे औचित्य साधून गुरुपौर्णिमेचा कार्यक्रम अत्यंत उत्साहात व आनंदात साजरा करण्यात आला.

गुरुपौर्णिमेचे औचित्य साधून माईंड अँड लाईफ कोच मा. डॉ.श्री महेश लोहार सर यांच्या प्रमुख उपस्थितीत आजची गुरुपोर्णिमा साजरी झाली.

कार्यक्रमाचा शुभारंभ प्रमुख पाहुणे यांचे पाद्य पूजन करून करण्यात आला. त्या नंतर प्रमुख अतिथी डॉ महेश लोहार , संस्थेचे संस्थापक अध्यक्ष मा श्री राजेंद्र बांदल सर, संचालिका सौ रेखा बांदल व शाळेच्या मुख्याध्यापिका सौ निर्मल पंडीत यांच्या हस्ते व्यास पूजन, सरस्वती पूजन व दीपप्रज्वलन करुन कऱण्यात आला. त्यानंतर इयत्ता सातवीच्या विद्यार्थ्यांनी आई हा प्रथम गुरु असे सांगून मेरे माँ के बराबर कोई नहीं…या गाण्याने पाहुण्यांचे स्वागत केले . त्यानंतर गुरु शिष्य परंपरा त्यांनी त्यांच्या द्रोणाचार्य व एकलव्य या छोट्याशा नाटिकेतून अत्यंत बरखुबीने सादरीकरण केले. तसेच इयत्ता ७वी व आठवी च्या विद्यार्थ्यांनी गुरुने दिला ज्ञानरूपी वसा… या गीतातून गुरुवंदना व कृतज्ञता त्यांच्या गायन व वादनातून व्यक्त केली.

यावेळी विद्यार्थ्यांनी गुरुविषयी आदर दर्शविणाऱ्या प्रतिक्रिया व्यक्त करतानाच कठोर परिश्रम घेऊन यश मिळविण्याची प्रतिज्ञाही घेतली.

त्यानंतर प्रमुख पाहुण्यांचा संस्थेचे संस्थापक मा श्री बांदल सर यांच्या हस्ते गुरुपौर्णिमेनिमित्त शाल, श्रीफळ, पुष्पगुच्छ व पुणेरी पगडी देऊन सत्कार व सन्मान करण्यात आला.
यावेळी शिक्षिकांनी सर्व विद्यार्थ्यांना गुरु बंधन करून प्रत्येक शिक्षकांचा व शिक्षकेतर कर्मचाऱ्यांचा शाळेतील गुरु म्हणून प्रमुख पाहुणे व उपस्थित मान्यवरांच्या हस्ते सत्कार करण्यात आला.

प्रमुख अतिथी श्री महेश लोहार सर यांनी गुरुर्ब्रह्मा गुरुर्विष्णु या श्लोकाचा अर्थ सांगितला तसेच गुरु शिष्याविषयी असणारे प्रेम याविषयी आणि गुरुपरंपरेचा इतिहास सांगितला व गुरू महत्वाचा की शिष्य महत्त्वाचा असा प्रश्न उपस्थित करून त्याचे साजेसे असे उत्तर सापडून देऊन दिशा दाखवून गुरुकुल पद्धतीची ओळख व महती स्पष्ट केली.

तसेच संस्थेचे अध्यक्ष व संस्थापक श्री राजेंद्र बांदल सर यांनी गुरु शिष्याच्या गोष्टी तसेच त्यांच्या आयुष्यात आलेले गुरूंचे अनुभव व गुरु शिष्य दोन्ही बाजू समजाऊन सांगून मनुष्य हा आजीवन गुरु व शिष्य या दोन्ही भूमिकेत घडत असतो असे प्रतिपादन करुन गुरुचे महत्व स्पष्ट केले. तसेच शिक्षकांना मोलाचे मार्गदर्शन केले .

सर्व शिक्षकांनी आज गुरुपौर्णिमेच्या दिवशीची गुरुदक्षिणा म्हणून आपल्या गुरु विषयी असणारे प्रेम व आदर हा सुस शाखेची पगुरुकुल असलेले झाड (मॉडेल) उभारून त्यातील पारंब्या व बहरलेली पाने म्हणजे सर्व शिक्षक होय असे सांगून आदर, संयम, patience, knowledge, confidence अशा सर्व गुणांची कायम पाखरण करुन विद्यार्थ्यांची प्रगती हेच ध्येय व हीच गुरुदक्षिणा असे सांगून या सर्व शिक्षक पुढील पिढी घडवण्यासाठी सुस शाखेतील सर्व शिक्षक सज्ज असल्याचे आश्वासन दिले तसेच यासाठी शुभेच्छा देऊन युनि्हर्सिटीचे स्वप्न लवकरच पूर्ण करण्याची ग्वाही देउन अखंड सेवेचे आश्वासन समर्पण केले.

आजच्या या संपूर्ण गुरुपौर्णिमेच्या कार्यक्रमाचे आयोजन हे संस्थेचे संस्थापक अध्यक्ष श्री राजेंद्र बांदल सर संचालिका सौ रेखा बांदल, शिवानी बांदल व सौ निर्मल पंडित यांच्या अध्यक्षतेखाली शाळेच्या मुख्याध्यापिका सौ निर्मल पंडित यांच्या नेतृत्वाने करण्यात आले होते. पर्यवेक्षक नेहा माळवदे व सचिन खोडके व स्मिता श्रीवास्तव यांच्या सहकार्याने तसेच सर्व शिक्षकवृंद व विद्यार्थी वर्ग यांच्या मदतीने अत्यंत उत्साहात व आनंदात हा गुरुपौर्णिमा उत्सव शिस्तबद्ध पद्धतीने संपन्न झाला व सर्वत्र गुरुकुल वातावरण निर्माण झाले.

कार्यक्रमाची सांगता पसायदानाने करण्यात आली. संपूर्ण कार्यक्रमाचे सूत्रसंचलन ग्रीन हाऊस व्हाइस कॅप्टन सौ.प्रफुल्ला पाटील यांनी केले. गुरुकुल परंपरेचा पर्णकुटीचा अत्यंत निपुण असा देखावा कला शिक्षक शिवराज कदम व विद्यार्थी यांनी साकारला होता.