बालेवाडी येथे “आपली ओळख आपला अधिकार” उपक्रमांतर्गत शिवम बालवडकर आयोजीत आधार नोंदणी शिबिर संपन्न..

बालेवाडी :

“आधार, आपली ओळख आपला अधिकार” या उपक्रमांतर्गत नुकतेच भाजपा युवा मोर्चा पुणे शहर उपाध्यक्ष शिवम बालवडकर यांच्या वतीने त्यांच्या भाजपा जनसेवा कार्यालय बालेवाडी येथे एका विशेष आधार नोंदणी शिबिराचे आयोजन करण्यात आले होते. या शिबिराला नागरिकांनी उत्स्फूर्त प्रतिसाद दिला.

या शिबिरामध्ये नागरिकांना नवीन आधार कार्ड नोंदणी, आधार कार्डमधील माहिती अद्ययावत करणे (अपडेट), तसेच आधार कार्डला मोबाईल नंबर लिंक करणे यासह विविध महत्त्वाच्या सेवांचा लाभ घेता आला. नागरिकांनी मोठ्या संख्येने उपस्थित राहून या सुविधेचा लाभ घेतल्याचे दिसून आले, ज्यामुळे आधार-संबंधित कामांसाठी त्यांना सोयीस्कर व्यासपीठ उपलब्ध झाले.

या शिबिरामुळे नागरिकांची आधारशी संबंधित अनेक कामे एकाच ठिकाणी पूर्ण झाली, ज्यामुळे त्यांचा वेळ आणि कष्ट वाचले. अशा प्रकारच्या उपक्रमांमुळे नागरिकांना शासकीय सेवांचा लाभ घेणे अधिक सुलभ होते.