बाणेर :
महिला बचत गटांच्या आर्थिक सक्षमीकरणासोबत त्यांच्या आनंदासाठी वामा वुमेन्स क्लबच्या वतीने सौ पूनम विशाल विधाते यांनी विशेष रंगपंचमी कार्यक्रमाचे आयोजन केले होते. या कार्यक्रमात बाणेर, बालेवाडी, सुस, महाळुंगे येथील बचत गटांच्या तब्बल 757 महिलांनी मोठ्या उत्साहाने सहभाग घेतला.
कार्यक्रमाच्या आयोजनाबद्दल वामा वुमेन्स क्लबच्या अध्यक्षा सौ. पूनम विशाल विधाते म्हणाल्या, “महिला बचत गट केवळ आर्थिक व्यवहारांसाठी नसून, महिलांसाठी एक सशक्त समाज निर्माण करण्याचे साधन आहे. या उत्सवाच्या निमित्ताने महिलांना त्यांच्या रोजच्या व्यापातून आनंदाचे क्षण मिळावेत, हा आमचा उद्देश आहे.”
ताम्हाणे चौक, बाणेर येथे पार पडलेल्या या कार्यक्रमात महिलांसाठी विविध खेळ, सांस्कृतिक कार्यक्रम व पारंपरिक होळी रंगांचा आनंद घेण्याची संधी उपलब्ध करून देण्यात आली. उपस्थित महिलांनी रंगांची उधळण करत हा आनंदोत्सव साजरा केला.
राष्ट्रीय महिला काँग्रेसच्या पुणे शहर कार्याध्यक्षा आणि सामाजिक कार्यकर्त्या सौ. पूनम विशाल विधाते यांच्या पुढाकाराने हा कार्यक्रम यशस्वीपणे पार पडला. महिलांच्या उत्स्फूर्त सहभागामुळे या कार्यक्रमाला विशेष रंगत आली.
More Stories
श्रीमंत दगडूशेठ हलवाई गणपती मंदिरात पेरिविंकल ग्रुप ऑफ इन्स्टिट्यूट्सच्या विद्यार्थ्यांचा भक्ती, संस्कार आणि एकजुटीचा अनोखा संगम; पेरिविंकलचा सर्वाधिक सहभाग ठरला विशेष आकर्षण!
*पेरीविंकल ग्रुप ऑफ इन्स्टिट्यूट्स मध्ये संस्कृतीचे रंग, भक्तीचा गंध अन् कल्पकतेची उधळण; पेरीविंकलमध्ये गणेशोत्सवाची मंगलमय सुरुवात!!!*
रस्ते जीवघेणे, प्रशासन बेजबाबदार; सत्ताधाऱ्यांनी आता तरी जागे व्हा! म्हाळुंगे – नांदे रस्त्यासह इतर ठिकाणी अपघातग्रस्तांसाठी ठोस भरपाई धोरणाची अमोल बालवडकर यांची मागणी