अखिल बालेवाडी एक गाव एक शिवजयंती उत्सव अंतर्गत वसुंधरा अभियानाच्या सहकार्याने बाणेर तुकाई टेकडीवर वृक्षारोपण संपन्न..

बाणेर :

अखिल बालेवाडी एक गाव एक शिवजयंती उत्सव २०२५ निमित्ताने पर्यावरण संरक्षणाचा संदेश देत वृक्षारोपण उपक्रमाचे आयोजन करण्यात आले. रविवार, दि. १६ फेब्रुवारी २०२५ रोजी सकाळी ६.३० वाजता वसुंधरा अभियान, बाणेर यांच्या सहकार्याने बाणेर तुकाई टेकडीवर हा उपक्रम राबवण्यात आला.

या कार्यक्रमाला राहुलदादा बालवडकर यांनी उपस्थित राहून स्वतः वृक्षारोपण केले आणि उपस्थितांना शिवजयंतीच्या शुभेच्छा दिल्या. त्यांनी पर्यावरण रक्षणाचे महत्त्व सांगत भविष्यात अधिकाधिक वृक्षारोपण करण्याचे आवाहन केले.

या उपक्रमात अनेक पर्यावरणप्रेमी, शिवभक्त आणि स्थानिक नागरिक मोठ्या संख्येने सहभागी झाले होते. उपस्थितांनी वृक्षारोपण करून छत्रपती शिवाजी महाराजांच्या जयंतीनिमित्त निसर्ग संवर्धनाचा संकल्प केला.