बालेवाडीतील रस्ते दुरुस्ती, झाडांच्या फांद्यांची छाटणी आणि पथदिव्यांच्या दुरुस्तीबद्दल नागरिकांनी केला राहुलदादा बालवडकर यांचा विशेष सत्कार..

बालेवाडी :

बालेवाडीमधील प्रभा पार्क, ब्लिस्स अपार्टमेंट, पारडिंगम ओपन, ओजस बंगला आणि मेट्रोपोलीस ऑफिस या लेनमधील रस्त्यांचे डांबरीकरण, झाडांच्या धोकादायक फांद्यांची छाटणी आणि बंद असलेले पथदिवे सुरू करण्याच्या महत्वपूर्ण कामांसाठी राष्ट्रवादी काँग्रेसचे पुणे शहर उपाध्यक्ष राहुल दादा बालवडकर यांनी पुढाकार घेतला. या कार्यामुळे नागरिकांना दिलासा मिळाल्याने त्यांनी बालवडकर यांचा विशेष सत्कार करून त्यांचे आभार मानले.

रस्ते डांबरीकरणामुळे वाहनचालक व नागरिकांना मोठा दिलासा

बालेवाडीतील या लेनमध्ये अनेक महिन्यांपासून रस्त्यांची दयनीय अवस्था होती. खड्ड्यांमुळे नागरिकांना आणि वाहनचालकांना मोठ्या समस्यांना सामोरे जावे लागत होते. नागरिकांच्या तक्रारींना प्रतिसाद देत राहुल दादा बालवडकर यांच्या प्रयत्नांमुळे या भागातील रस्त्यांचे डांबरीकरण करण्यात आले, त्यामुळे रहिवाशांना आणि प्रवाशांना मोठा दिलासा मिळाला.

झाडांच्या फांद्यांची छाटणी करून अपघातांचा धोका टाळला

रस्त्यालगत मोठ्या प्रमाणात झाडांच्या फांद्या वाढल्या होत्या, ज्यामुळे वाहनधारक आणि पादचारी यांना अपघातांचा धोका निर्माण झाला होता. तसेच, काही ठिकाणी वीज वाहिन्यांवर फांद्या झुकल्या होत्या, त्यामुळे वीजपुरवठा खंडित होण्याचा धोका होता. बालवडकर यांच्या प्रयत्नांमुळे प्रशासनाने झाडांच्या धोकादायक फांद्यांची छाटणी करून हा धोका टाळला.

बंद असलेले पथदिवे सुरू करून नागरिकांना दिलासा

रस्त्यालगत अनेक पथदिवे बंद असल्याने रात्रीच्या वेळी अंधाराचे साम्राज्य निर्माण झाले होते. यामुळे नागरिकांना त्रास होत होता आणि सुरक्षिततेचा प्रश्न निर्माण झाला होता. बालवडकर यांनी पालिका प्रशासनाच्या मदतीने हे बंद असलेले पथदिवे सुरू करून परिसरात प्रकाश व्यवस्था सुधारली.

“नागरिकांच्या अडचणी सोडवणे आणि परिसराचा विकास करणे हे माझे कर्तव्य आहे. बालेवाडीतील नागरिकांनी दाखवलेला विश्वास माझ्यासाठी प्रेरणादायी आहे. भविष्यातही परिसरातील कोणत्याही समस्या सोडवण्यासाठी मी आणि माझी टीम तत्पर राहू.”

–राहुल दादा बालवडकर (उपाध्यक्ष: राष्ट्रवादी काँग्रेस पुणे शहर)

या महत्वपूर्ण कामांसाठी प्रभा पार्क, ब्लिस्स अपार्टमेंट, पारडिंगम ओपन, ओजस बंगला आणि मेट्रोपोलीस ऑफिस परिसरातील नागरिकांनी राहुल दादा बालवडकर यांचा विशेष सत्कार करून त्यांचे आभार मानले. यावेळी स्थानिक रहिवासी, सामाजिक कार्यकर्ते आणि राष्ट्रवादी काँग्रेसचे कार्यकर्ते उपस्थित होते.