पाषाण, सुस, म्हाळुंगे, बावधन, परिसरातील विविध विकास कामांना निधी उपलब्ध व्हावा म्हणून आमदार शंकर भाऊ मांडेकर यांनी घेतली पुणे मनपा आयुक्तांची भेट..

पुणे :

पाषाण, सुस, म्हाळुंगे, बावधन, परिसरातील विविध विकास कामांना निधी उपलब्ध व्हावा म्हणून पुणे महापालिका आयुक्त डॉ राजेंद्र भोसले साहेब यांची भेट घेऊन भोर-राजगड-मुळशी चे आमदार शंकर मांडेकर यांनी सविस्तर चर्चा केली.

आगामी महापालिका अर्थ संकल्पात सदर रस्ते, ड्रेनेज लाईन, पाणीपुरवठा योजना, स्ट्रीट लाईट कामांना निधी मंजूर करण्यात येईल असे महापालिका आयुक्त डॉ राजेंद्र भोसले यांनी यावेळी सांगितले.

निवडून आल्यानंतर पाषाण, सुस, म्हाळुंगे, बावधन, परिसरातील विविध विकास कामे कशी मार्गी लावता येईल यासाठी आमदार शंकर भाऊ मांडेकर यांनी प्रयत्न सुरू केले आहेत.

यावेळी माजी नगरसेवक प्रमोद आण्णा निम्हण, युवराज कोळेकर, सुर्यकांत भुंडे, दिपक दगडे, अभिजित दगडे, समिर कोळेकर, पांडुरंग पाडळे यांच्यासह विविध मान्यवर व महापालिका विविध विभागाचे अधिकारी उपस्थित होते.