बालेवाडी गावठाण ते विसर्जन घाट रस्ता डांबरीकरण करून सुसज्ज, बाबुराव चांदेरे व राहुल बालवडकर यांच्या प्रयत्नातून नागरिकांची गैरसोय दूर..

बालेवाडी :

बालेवाडी गावठाण ते विसर्जन घाट या रस्त्याची अवस्था फार बिकट झाली होती. यामुळे गणेशोत्सवाच्या काळात नागरिकांची होणारी अडचण लक्षात घेत स्थायी समितीचे माजी अध्यक्ष बाबुरावअप्पा चांदेरे आणि पुणे शहर राष्ट्रवादी काँग्रेसचे उपाध्यक्ष राहुल बालवडकर यांच्या प्रयत्नातून संपूर्ण रस्ता डांबरीकरण करण्यात आला.

गेल्या अनेक दिवसापासून बालेवाडी गावठाण ते विसर्जन घाट या रस्त्याची अतिशय दुरावस्था झाली होती. नागरिकांना या रस्त्यामुळे नाहक त्रास सहन करावा लागत होता. हा रस्ता चांगला व्हावा अशी ग्रामस्थांची इच्छा होती. गणेशोत्सवाचा काळ लक्षात घेता या रस्त्याचे महत्त्व लक्षात घेऊन तात्काळ आमचे मार्गदर्शक बाबुरावअप्पा चांदेरे यांच्या सहकार्याने रस्त्याचे डांबरीकरण करून घेतले : राहुल बालवडकर (उपाध्यक्ष: पुणे शहर राष्ट्रवादी काँग्रेस)

या रस्त्याचे काम झाल्याने ग्रामस्थांनी आणि गणेश मंडळांनी समाधान व्यक्त केले  आहे. गणेशोत्सवाच्या काळात विसर्जन घाटापर्यंत जाण्याकरता नागरिकांची होणारी गैरसोय दूर झाली आहे.