लहू बालवडकर यांची पुणे शहर भारतीय जनता पार्टीच्या कोथरूड उत्तर मंडल संयोजक पदी नियुक्ती..

बालेवाडी :

बालेवाडी येथील भाजपा पुणे शहर चिटणीस लहू बालवडकर यांची पुणे शहर भारतीय जनता पार्टीच्या कोथरूड उत्तर मंडल (बाणेर, बालेवाडी, पाषाण, सुतारवाडी, सोमेश्वरवाडी, पंचवटी, सूस, महाळूंगे ) संयोजक पदी नियुक्ती करण्यात आली आहे.

लहू बालवडकर यांचा सामाजिक राजकीय क्षेत्रातील अनुभव पुणे शहरात पक्षाचा संघटनात्मक विस्तार आणि पक्ष बांधणी करण्यासाठी उपयुक्त ठरेल. राष्ट्र प्रथम या भावनेतून आपण भारतीय जनता पार्टीचा विचार व धेय्य धोरणे सर्वदूर पोहोचवून पक्षाने दिलेल्या कार्यक्रमाची यशस्वी अंमलबजावणी कराल याची खात्री वाटते अशी भावना भाजपा पुणे शहराध्यक्ष धीरज घाटे यांनी नियुक्ती पत्रात व्यक्त केली आहे.

पक्षाने माझ्यासारख्या सामान्य कार्यकर्त्यावर विश्वास दाखवत कोथरूड उत्तर मंडल संयोजक पदी माजी नियुक्ती केली. माझ्या दृष्टीने हि महत्वाची बाब असून बाणेर, बालेवाडी, पाषाण, सुतारवाडी, सोमेश्वरवाडी, पंचवटी, विधाते वस्तीया भागात आमचे मार्गदर्शक कॅबिनेट मंत्री चंद्रकातदादा पाटील यांच्या मार्गदर्शनाखाली सर्व पदाधिकारी कार्यकर्ते यांना सोबत घेऊन लोकसभा निवडणुकी प्रमाणे विधानसभा निवडणुकित पक्षाला प्रचंड मताधिक्य मिळवून देण्यासाठी पक्षाने माझ्यावर दाखविलेला विश्वास मी सार्थ ठरवत पक्ष संघटन अधिक मजबूत करत वाढविण्याचा प्रयत्न करेल : लहू बालवडकर (सचिव पुणे शहर भाजपा)