सुसगावात पिण्याच्या पाण्याच्या अंतर्गत पाईपलाईनचे काम सुरू, माजी नगरसेवक बाबुराव चांदेरे यांच्या प्रयत्नांना यश

सुसगाव :

सूसगावातील गंभीर पाण्याचा प्रश्न मार्गी लागावा म्हणून माजी स्थायी समिती अध्यक्ष बाबुराव चांदेरे यांच्या प्रयत्नातून गावातील अंतर्गत पाण्याच्या लाइन चे काम सुरू झाले असून अनेक वर्षांचा पाण्याचा प्रश्न मार्गी लागणार आहे.

गेली अनेक वर्ष सूसगाव पाण्यासाठी तळमळत आहे. माता भगिनींनी पाण्यासाठी खूप आतुरतेने वाट पाहिली आहे. हा प्रश्न मार्गी लागावा हि महत्वकांक्षा होती. आज हा प्रश्न मार्गी लागण्याच्या दृष्टिकोनात महत्त्वाचे पाऊल पडले असुन गावातील गल्ली बोळात पाण्याची लाईन टाकण्याचे काम सुरू झाले असून लवकरच ते पुर्ण झाल्यानंतर नळाद्वारे पाणी घरोघरी पोहचवण्याचा माझा प्रयत्न राहील असे स्थायी समितीचे माजी अध्यक्ष बाबुराव चांदेरे यांनी सांगितले.