वडगावशेरी मतदारसंघात राष्ट्रवादी युवक नोकरी मेळावा तसेच शाखा उदघाटन सोहळा युवक अध्यक्ष समीर चांदेरे यांच्या मार्गदर्शनाखाली यशस्वीरित्या संपन्न..

वडगाव शेरी :

राज्यातील बेरोजगार युवकांना नोकरीची संधी उपलब्ध करुन देण्यासाठी राज्याचे उपमुख्यमंत्री अजितदादा पवार यांच्या वाढदिवसानिमित्त पुणे शहर राष्ट्रवादी युवक काँग्रेसच्या वतीने संपूर्ण पुणे शहरात प्रत्येक विधानसभेत “राष्ट्रवादी युवा रोजगार मेळावे” आयोजित केले जात आहेत, आज वडगाव शेरी विधानसभेचे लोकप्रिय आमदार मा.सुनिल अण्णा टिंगरे यांच्या प्रमुख उपस्थतीमधे पुणे राष्ट्रवादी युवक काँग्रेसचे अध्यक्ष समीर चांदेरे यांच्या मार्गदर्शनाखाली तसेच वडगावशेरी विधानसभा युवक अध्यक्ष कुलदीपभाऊ शर्मा यांच्या नेतृत्वात आज वडगावशेरी मतदारसंघात राष्ट्रवादी युवक नोकरी मेळावा तसेच शाखेचे उदघाटन सोहळा यशस्वीरित्या पार पडला.

आजच्या वडगावशेरीमधील मेळाव्यात सहभागी झालेल्या शेकडो युवांना नोकऱ्या देखील मिळाल्याअसून त्याबाबतचे जॉईंनिंग लेटरसुद्धा तातडीने देण्यात आले. युवकांची भविष्य घडविण्याच्या दृष्टिकोनातून सुरू केलेल्या नोकरी महोत्सव माध्यमातुन युवकांचा मिळालेला प्रतिसाद आणि त्यामुळे युवकांसाठी नोकरीची संधी उपलब्ध करून देता येत आहे हि बाब आमच्यासाठी अभिमानाची आहे. राष्ट्रवादी युवक काँग्रेसच्या माध्यमातून जास्त युवकांना सक्षम करण्याचे धोरण पूर्णत्वास नेत असल्याचा आनंद वाटतो : समीर चांदेरे (युवक अध्यक्ष राष्ट्रवादी काँग्रेस पुणे शहर)

यावेळी पुणे शहर राष्ट्रवादी युवक काँग्रेसचे उपाध्यक्ष विनोद सकट यांची वडगावशेरी विधानसभा युवक निरीक्षकपदी निवड करण्यात आली असून आज त्यांना नियुक्तीपत्र देवून समीर चांदेरे यांनी शुभेच्छा दिल्या.