बालेवाडी येथे क्रिडा क्षेत्राशी निगडित ‘आय-स्पोर्ट्स’ हॉस्पिटलचे उद्घाटन उपमुख्यमंत्री अजित पवार यांच्या हस्ते संपन्न..

बालेवाडी :

डॉ. सुमेध मगर यांचे बालेवाडी येथे नव्याने सुरू केलेल्या ‘आय-स्पोर्ट्स’ हॉस्पिटलचे उद्घाटन उपमुख्यमंत्री माननीय अजितदादा पवार यांच्या शुभहस्ते संपन्न झाले.

या हॉस्पिटलमध्ये क्रीडा संबंधित ऑर्थोपेडिक शस्त्रक्रिया, क्रीडा औषध, पुनर्वसन, आणि कार्यप्रदर्शन या सारख्या अत्याधुनिक सुविधा उपलब्ध करून दिल्या जाणार आहेत.

या हॉस्पिटलच्या माध्यमातून बालेवाडी परिसरातील क्रीडा क्षेत्रातील खेळाडूंना चांगल्या पद्धतीच्या सुविधा उपलब्ध होतील. एक चांगल्या प्रकारचे हॉस्पिटल म्हणून नावलौकिक मिळवावा अशा शुभेच्छा उपमुख्यमंत्री अजित दादा पवार यांनी यावेळी दिल्या.

यावेळी स्थायी समितीचे माजी अध्यक्ष बाबुराव चांदेरे आणि पुणे शहर राष्ट्रवादी काँग्रेसचे उपाध्यक्ष राहुल बालवडकर यांच्यासह उद्घाटन सोहळ्याला विविध क्षेत्रातील मान्यवर उपस्थित होते.