प्रभाग ९ मधील पाणी साठ्याच्या ठिकाणांची दुरुस्ती करण्याची BBPRA टीमची पालिका प्रशासनाकडे मागणी..

औंध :

बाणेर, बालेवाडी, पाषाण, सूस आणि महाळुंगे परिसरात पावसानंतर विविध ठिकाणी मोठ्या प्रमाणावर पाणी साचत असल्याच्या समस्येविरोधात BBPRA टीमने पुढाकार घेतला आहे.

आज प्रभाग ९ चे वॉर्ड ऑफिसर नायकल साहेब यांची भेट घेऊन BBPRA टीमतर्फे या भागातील एकूण ६७ ठिकाणांवरील पाणी साठ्याच्या समस्यांबाबत सविस्तर निवेदन देण्यात आले. या निवेदनात नागरिकांच्या दैनंदिन जीवनावर होत असलेल्या परिणामांचे गांभीर्य मांडण्यात आले असून, तातडीने उपाययोजना करून संबंधित ठिकाणांची दुरुस्ती व पाणी निचऱ्याची व्यवस्था सुधारण्याची मागणी करण्यात आली आहे.

दरम्यान, याच निवेदनाची प्रत येत्या दोन दिवसांत प्रभाग क्रमांक 9 मधील नगरसेवकांनाही देण्यात येणार असल्याची माहिती BBPRA टीमकडून देण्यात आली. स्थानिक प्रशासन आणि जनप्रतिनिधी यांच्या समन्वयातून या समस्या मार्गी लावण्याचा प्रयत्न असल्याचेही टीमने स्पष्ट केले.

या वेळी BBPRA टीमचे सदस्य सारंगजी रानडे, राघवेंद्रजी देशपांडे, गोपेंद्रजी पाटसकर, सुहासजी कुलकर्णी, जयंतजी कांत आणि प्राजक्ता देवस्थळी उपस्थित होते.