बालेवाडीतील मोझे कॉलेजमध्ये विद्यार्थिनींसाठी ‘इन्सिनरेटर मशीन’ कार्यान्वित

बालेवाडी :

कोथरूडचे आमदार तथा राज्याचे उच्च व तंत्रशिक्षण मंत्री ना. चंद्रकांतदादा पाटील यांच्या विशेष सहकार्यातून बालेवाडी येथील मोझे महाविद्यालयात विद्यार्थिनींसाठी सॅनिटरी वेस्ट इन्सिनरेटर मशीन उपलब्ध करून देण्यात आली. सॅनिटरी वेस्टच्या सुरक्षित आणि आरोग्यदायी निपटाऱ्यासाठी उचललेले हे पाऊल विद्यार्थिनींच्या वैयक्तिक स्वच्छतेच्या दृष्टीने महत्त्वाचे पाऊल उचलण्यात आले.

कोथरूड उत्तर मंडलच्या चिटणीस सौ. स्मृती ताई जैन यांच्या नियोजनातून साकारलेल्या या उपक्रमाप्रसंगी कोथरूड उत्तर मंडल अध्यक्ष सचिनजी पाषाणकर, नगरसेविका रोहिणीताई चिमटे, माजी शहर सरचिटणीस गणेशजी कळमकर, माजी मंडल अध्यक्ष लहूअण्णा बालवडकर, मंडल सरचिटणीस मोरेश्वरजी बालवडकर, अस्मिता ताई करंदीकर तसेच मृणाल ताई गायकवाड, जागृती ताई विचारे यांसह अनेक मान्यवर उपस्थित होते.

महाविद्यालयाचे प्राचार्य रत्नराज कुमार जांबी, प्राध्यापिका सीमा शिएकर व विद्यार्थिनींनी या सुविधेबद्दल माननीय दादांचे आभार मानले. हा उपक्रम महिलांच्या आरोग्य रक्षणासाठी एक महत्त्वपूर्ण पाऊल ठरला असे देखील नमूद केले.