“कन्याशक्तीला सबलीकरणाची नवी दिशा : पेरिविंकल इंग्लिश मिडीयम स्कूलमध्ये प्रेरणादायी कार्यशाळा” 

पिरंगुट :

महिला व बालकल्याण विभाग, जिल्हा परिषद पुणे आणि जनजीवन फाउंडेशन, बारामती यांच्या संयुक्त विद्यमाने पिरंगुट येथील पेरिविंकल इंग्लिश मिडीयम स्कूल अँड ज्युनियर कॉलेज येथे इयत्ता आठवी व नववीच्या विद्यार्थिनींसाठी विशेष कार्यशाळेचे आयोजन करण्यात आले.

या कार्यशाळेत विद्यार्थिनींना जेंडर जागरूकता, आरोग्य, आहार, उद्योजकता तसेच कायदेविषयक माहिती याबाबत मार्गदर्शन करण्यात आले. तज्ञ मार्गदर्शकांनी मुलींना आत्मविश्वास, स्वसंरक्षण, योग्य आहाराचे महत्त्व आणि आपल्या हक्कांविषयी सविस्तर माहिती दिली.

कार्यशाळेदरम्यान विद्यार्थिनींनी उत्स्फूर्त सहभाग नोंदवला. विविध उपक्रम, प्रश्नोत्तरे आणि चर्चासत्रांमुळे वातावरण उत्साहपूर्ण झाले होते. या उपक्रमामुळे विद्यार्थिनींमध्ये आत्मभान, स्वावलंबन आणि सकारात्मक दृष्टिकोन निर्माण होण्यास मदत झाली.

कार्यशाळेचे आयोजन संस्थेचे संस्थापक अध्यक्ष मा. श्री. राजेंद्र बांदल, संचालिका सौ. रेखा बांदल व कु.शिवानी बांदल यांच्या मार्गदर्शनाखाली करण्यात आला 

कार्यशाळेच्या यशस्वी आयोजनासाठी प्राचार्य आसावरी हंचाटे यांच्या मार्गदर्शनाखाली माध्यमिक विभागप्रमुख पूनम पांढरे, प्राथमिक विभागप्रमुख सना इनामदार, पूर्व प्राथमिक विभागप्रमुख पल्लवी नारखेडे तसेच शिक्षक व शिक्षकेतर कर्मचाऱ्यांनी विशेष मेहनत घेतली 

शाळेच्या मुख्याध्यापकांनी व शिक्षकवृंदांनी अशा उपक्रमांमुळे विद्यार्थिनींच्या सर्वांगीण विकासाला चालना मिळत असल्याचे सांगितले.ही कार्यशाळा विद्यार्थिनींसाठी प्रेरणादायी ठरली असून त्यांच्या उज्ज्वल भविष्यासाठी नवी दिशा देणारी ठरली आहे.