आकाशात रंग, मनात उत्साह – पेरिविंकलमध्ये पतंगोत्सव

बावधन :

पेरिविंकल इंग्लिश मीडियम स्कूलमध्ये इयत्ता पहिली ते नववीच्या विद्यार्थ्यांसाठी पतंग उडविण्याचा सण अत्यंत आनंदी व उत्साही वातावरणात साजरा करण्यात आला. या उपक्रमातून विद्यार्थ्यांमध्ये भारतीय संस्कृती व सणपरंपरांची जाणीव निर्माण करण्याचा उद्देश साध्य करण्यात आला.

हा कार्यक्रम माननीय मुख्याध्यापिका सौ.आसावरी हंचाटे मॅडम यांच्या कुशल मार्गदर्शनाखाली तसेच सर्व शिक्षकांच्या सहकार्याने यशस्वीरीत्या पार पडला. विद्यार्थ्यांनी घरून रंगीबेरंगी पतंग आणून उत्स्फूर्त सहभाग घेतला, ज्यामुळे संपूर्ण शाळा परिसर आनंद आणि चैतन्याने भारावून गेला.

कार्यक्रमादरम्यान शिक्षकांनी विद्यार्थ्यांना मकर संक्रांतीचे महत्त्व, तसेच सुरक्षित व जबाबदारीने पतंग उडविण्याचे महत्त्व समजावून सांगितले. कार्यक्रमाच्या समारोपप्रसंगी माननीय मुख्याध्यापिका सौ. आसावरी हंचाटे यांनी विद्यार्थ्यांना मार्गदर्शन करून भारताच्या समृद्ध सांस्कृतिक वारशाचे जतन करण्यासाठी प्रेरित केले.