कुस्तीच्या आखाड्यावर पेरीविंकल बावधनची छाप; अंतरा कंधारेचे रौप्यपदक!!!

पुणे, दि. ११ जानेवारी २०२६ —

पुणे जिल्हास्तरीय महिला कुस्ती स्पर्धेत पेरीविंकल इंग्लिश मिडियम स्कूल ॲन्ड ज्युनियर कॉलेज बावधन येथील विद्यार्थिनी अंतरा दीपक कंधारे हिने ६८ किलो वजन गटात द्वितीय क्रमांक पटकावत केवळ पदक मिळवले नाही, तर तांत्रिकदृष्ट्या परिपक्व खेळ सादर करत क्रीडा तज्ज्ञांचे लक्ष वेधून घेतले.

राईज अप – पुणे महिला कुस्ती स्पर्धा (सीझन ४) अंतर्गत पार पडलेल्या या स्पर्धेत जिल्ह्यातील अनुभवी महिला कुस्तीपटूंशी थेट सामना करताना अंतरा हिने ग्रिप कंट्रोल, बॅलन्स, टायमिंग आणि अटॅक-डिफेन्स ट्रान्झिशन या मूलभूत घटकांवर प्रभावी पकड दाखवली. उपांत्य फेरीतील तिचा सामना विशेष लक्षवेधी ठरला. प्रतिस्पर्धी आक्रमक खेळ करत असतानाही अंतरा हिने संयम राखत योग्य क्षणी टॅकल करत सामना आपल्या बाजूने वळवला.

अंतिम फेरीत अत्यंत चुरशीने सामना देत अंतराने रौप्य पदक पटकावत शाळेच्या शिरपेचात अजून एक तुरा रोवला आहे. संपूर्ण सामन्यात तिने स्टॅमिना मॅनेजमेंट, पॉइंट अवेअरनेस आणि रिंग कव्हरेज या बाबतीत परिपक्वता दाखवली. शेवटच्या क्षणापर्यंत दिलेल्या झुंजार लढतीमुळे तिच्या खेळाचे कौतुक प्रशिक्षक आणि पंचांनीही केले.

कठोर सराव, वजन गटानुसार संतुलित आहार, फिटनेस ट्रेनिंग आणि सातत्यपूर्ण मॅच प्रॅक्टिस यामुळे अंतरा हिच्या खेळात स्थैर्य आले असल्याचे तज्ज्ञांचे मत आहे. शालेय स्तरावरून जिल्हास्तरापर्यंत प्रगती करताना तिला पेरीविंकल बावधन शाळेतील प्राचार्य , शिक्षक, क्रीडाशिक्षक आणि प्रशिक्षकांचे शिस्तबद्ध मार्गदर्शन लाभले आहे.

या कामगिरीकडे भविष्यातील राज्यस्तरीय व राष्ट्रीय स्तरावरील क्षमतेची नांदी म्हणून पाहिले जात असून, महिला कुस्तीमध्ये तांत्रिक खेळाची गरज अधोरेखित करणारे हे उदाहरण ठरले आहे. अंतरा कंधारे हिचे यश केवळ पदकापुरते मर्यादित नसून, जिल्ह्यातील नवोदित महिला कुस्तीपटूंना दिशादर्शक ठरत आहे.

तिच्या या यशामागे पेरीविंकल इंग्लिश मिडीयम स्कूल ॲन्ड ज्युनियर कॉलेज चे संस्थापक अध्यक्ष माननीय राजेंद्र बांदल सर, संचालिका रेखा बांदल, शिवानी बांदल, शाळेच्या मुख्याध्यापिका निर्मल पंडित, शाळेचे पर्यवेक्षक, शिक्षकवर्ग आणि पालकांचा भक्कम पाठिंबा असून तिच्या या यशासाठी सर्वांची कौतुकाची थाप तिच्या पाठीशी कायम आहे असे सांगत कौतुक केले आहे.