बाणेर परिसरात विकासकामांबद्दल मान्यवरांचा सन्मान; शिव समर्थ गार्डन कट्ट्याचे लोकार्पण

बाणेर :

बाणेर परिसरात पुणे महानगरपालिकेचे मा. स्थायी समिती अध्यक्ष बाबुरावजी चांदेरे साहेब यांच्या मार्गदर्शनाखाली राबविण्यात आलेल्या विविध विकासकामांबद्दल सोसायटीमधील नागरिकांच्या वतीने पुणे शहर राष्ट्रवादी काँग्रेसचे उपाध्यक्ष राहुल दादा बालवडकर आणि पुणे शहर राष्ट्रवादी काँग्रेसचे युवक अध्यक्ष समीर चांदेरे यांचा सन्मान करण्यात आला.

यावेळी शिव समर्थ गार्डन कट्टा या नव्या मैदानाचे लोकार्पण माझ्यासह पुणे शहर राष्ट्रवादी काँग्रेसचे उपाध्यक्ष राहुल दादा बालवडकर, अर्चना मामी धनकुडे, राखी ताई श्रीराव, शशिभाऊ बालवडकर यांच्या प्रमुख उपस्थितीत करण्यात आले.

या नव्याने विकसित करण्यात आलेल्या मैदानामुळे परिसरातील लहान मुलांना विविध मैदानी खेळांसाठी एक सुरक्षित व हक्काचे व्यासपीठ उपलब्ध झाले असून, नागरिकांमध्ये समाधान व्यक्त करण्यात येत आहे. विकासकामांमुळे परिसराचा सर्वांगीण विकास होत असून नागरिकांच्या दैनंदिन जीवनात सकारात्मक बदल घडत असल्याची भावना यावेळी उपस्थितांनी व्यक्त केली.