पाषाण–सोमेश्वरवाडी परिसरात प्रियांका विनायक चिव्हे यांचा नागरिकांशी संवाद, नागरिकांच्या अडचणी जाणून घेत प्रभाग विकासासाठी संकल्पनांची मांडणी..

पाषाण :

भाजपा प्रभाग क्रमांक ९ च्या इच्छुक उमेदवार भाजपा नेत्या प्रियांका विनायक चिव्हे यांनी पाषाण सोमेश्वरवाडी परिसरात दौरा करत स्थानिक नागरिकांशी संवाद साधला. या संवादादरम्यान नागरिकांच्या विविध अडचणी, अपेक्षा आणि क्षेत्रातील विकासासंदर्भातील आवश्यक बाबींची माहिती घेतली.

उच्च शिक्षित उमेदवार म्हणून प्रियांका चिव्हे यांनी नागरिकांमध्ये विशिष्ट ओळख निर्माण केली. त्यांनी प्रभागाच्या सर्वांगीण विकासासाठी आपल्या संकल्पना नागरिकांसमोर मांडत भविष्यातील कामकाजाचा आराखडा सादर केला. क्षेत्रातील पायाभूत सुविधा, वाहतूक व्यवस्थापन, रस्ते विकास, स्वच्छता व्यवस्थापन आदी समस्यांबाबत सविस्तर चर्चा झाली.

महिला सक्षमीकरण, युवकांसाठी संधी निर्माण करणे आणि प्रभागातील प्रलंबित प्रश्न मार्गी लावण्यासाठी प्रयत्नशील राहण्याचे त्यांनी आश्वासन दिले. नागरिकांनीही आपल्या समस्या व अपेक्षा मांडत प्रभागाच्या प्रगतीसाठी योग्य नेतृत्वाची गरज असल्याचे नमूद केले.

या भेटीदरम्यान प्रियांका चिव्हे यांनी नागरिकांशी थेट संवाद साधत विश्वासाचे नाते दृढ केले असून पुढील निवडणुकीच्या पार्श्वभूमीवर या भेटीला विशेष महत्व प्राप्त झाले आहे.