बाणेर येथे स्वप्नाली सायकर यांच्या वतीने प्रभाग क्रमांक ९ मधील विद्यार्थ्यांसाठी “परीक्षेला सामोरे जाताना” भव्य मार्गदर्शन सोहळा – अनोखी ज्ञानमेळाव्याची संधी!

बाणेर :

माजी नगरसेविका स्वप्नाली सायकर, बाणेर–बालेवाडी परिसरातील सामाजिक संस्था स्वराज्य प्रतिष्ठान आणि एस. एम. कुलकर्णी अॅकॅडमी यांच्या संयुक्त विद्यमाने विद्यार्थ्यांसाठी व पालकांसाठी अत्यंत उपयुक्त असा भव्य मार्गदर्शन सोहळा आयोजित करण्यात आला आहे.

हा विशेष कार्यक्रम दि. १४ डिसेंबर २०२५ रोजी ऑर्किड स्कूल, बाणेर येथील ऑडिटोरियममध्ये सकाळी १०.०० वाजता पार पडणार आहे.

या मार्गदर्शन सोहळ्यात विविध क्षेत्रातील मान्यवर तज्ज्ञ उपस्थित राहून विद्यार्थ्यांना परीक्षेची भीती दूर करून अभ्यास पद्धती, नियोजन आणि मानसिक तयारी यावर महत्त्वपूर्ण मार्गदर्शन करणार आहेत.

⭐ कार्यक्रमातील प्रमुख मार्गदर्शक
• प्रा. बाळकृष्ण मापारी – एसएससी व एचएससी बोर्ड सदस्य, पेपर सेटर, ४०+ वर्षांचा गणित विषयातील अनुभव, इयत्ता ९ वी ते १२ वी अभ्यासक्रम समितीतील मोलाचे योगदान.
• प्रा. मानसिंग गायकवाड – इंग्रजी विषय तज्ज्ञ, एसएससी बोर्ड व जेधे कॉलेजमध्ये अध्यापन.
• प्रा. एस. एम. कुलकर्णी – एम.एस्सी. (मॅथ्स) गोल्ड मेडलिस्ट, २७ वर्षांचा अनुभव, पॅनकार्ड क्लब रोडवरील प्रसिद्ध अॅकॅडमीचे संचालक.
• प्रा. गौरी कुलकर्णी – विज्ञान व जीवशास्त्र तज्ज्ञ, एम. फार्मसी डिस्टींक्शन, फार्मसी कॉलेजमध्ये असिस्टंट प्रोफेसर, रेझोनन्स अॅकॅडमी (बारामती) संचालिका.

⭐ विद्यार्थ्यांसाठी अनमोल संधी

विद्यार्थ्यांची परीक्षा भीती दूर करून योग्य दिशादर्शन मिळावे, आत्मविश्वास वाढावा आणि प्रभावी अभ्यास कसा करावा याचे मार्गदर्शन मिळावे या उद्देशाने हा कार्यक्रम आयोजित केला आहे.

माजी नगरसेविका सौ. स्वप्नाली सायकर आणि स्वराज्य प्रतिष्ठानचे अध्यक्ष मा. प्रल्हाद सायकर यांनी घेतलेल्या पुढाकारामुळे बाणेर, बालेवाडी, पाषाण, सुतारवाडी, सोमेश्वरवाडी, महाळुंगे, सुस या भागातील विद्यार्थ्यांना प्रथमच अशा दर्जेदार मार्गदर्शनाचा लाभ मिळणार आहे.

⭐ प्रवेश पूर्णपणे मोफत

या कार्यक्रमासाठी पूर्वनोंदणी आवश्यक आहे.
नोंदणीकरिता संपर्क : 9765823559

विद्यार्थी व पालकांनी या मार्गदर्शन सोहळ्याचा अवश्य लाभ घ्यावा, असे आवाहन आयोजकांच्या वतीने करण्यात आले आहे.