बावधन परिसरातील दुर्लक्षित अॅमेंनिटी प्लॉट्स नागरिकांच्या सेवेत आणण्याची दिपक दगडे यांची PMRDA कडे मागणी..

बावधन :

बावधन (बु.) परिसरातील नागरिकांच्या सुरक्षेचा व सार्वजनिक सोयींचा गंभीर प्रश्न स्थानिक पातळीवर वेगाने पुढे येत असताना, राष्ट्रवादी काँग्रेस पक्ष पुणे शहराचे उपाध्यक्ष माजी उपसरपंच दिपक दगडे यांनी पुढाकार घेत PMRDA आयुक्त योगेश म्हसे यांच्या कडे अधिकृत निवेदन सादर केले आहे.

स्थानिक भागात अनेक सोसायट्यांमध्ये असलेले अॅमेंनिटी प्लॉट्स दुर्लक्षित अवस्थेत पडून असून तेथे वाढणाऱ्या झाडाझुडपांमुळे नागरीकांच्या जीवितास धोका निर्माण होत आहे. याबाबत त्वरित उपाययोजना करण्याची मागणी दिपक दगडे यांनी आपल्या निवेदनातून आयुक्त डॉ. योगेश म्हसे यांच्याकडे केली.

दगडे यांनी सुचवले आहे की, हे अॅमेंनिटी प्लॉट्स नागरिकांच्या उपयोगासाठी गार्डन, Nana-Nani पार्क, खेळाचे मैदान व विविध सामाजिक उपक्रमांसाठी विकसित करण्यात यावेत. परिसरातील वाढती लोकसंख्या आणि सुरक्षिततेच्या दृष्टीने या सुविधा अत्यावश्यक असल्याचे त्यांनी स्पष्ट केले.

परिसरातील नागरिकांकडून या उपक्रमाचे स्वागत होत असून माजी उपसरपंच दिपक दगडे यांच्या सततच्या पाठपुराव्यामुळे लवकरच सकारात्मक निर्णय होईल, अशी अपेक्षा व्यक्त केली जात आहे.