पाषाण येथे नागरिकांसाठी मोफत आधार सेवा! माजी नगरसेवक प्रमोद निम्हण यांचा उपक्रमाला उत्स्फूर्त प्रतिसाद

पाषाण :

नागरिकांच्या सोयीसाठी माजी नगरसेवक प्रमोद निम्हण यांच्या जनसंपर्क कार्यालयात मोफत आधार कार्ड नोंदणी शिबिराचे आयोजन करण्यात आले. या शिबिराला नागरिकांचा उत्स्फूर्त प्रतिसाद मिळाला.

या प्रसंगी माजी नगरसेवक प्रमोद निम्हण यांनी उपस्थित नागरिकांशी संवाद साधत त्यांच्या समस्या जाणून घेतल्या तसेच त्यांचे प्रश्न तत्काळ सोडविण्यासाठी आवश्यक ती पावले उचलण्याचे आश्वासन दिले.

माजी नगरसेवक प्रमोद निम्हण म्हणाले, “नागरिकांच्या प्रत्येक प्रश्नाचे उत्तर आणि प्रत्येक गरजेची काळजी घेणे हेच माझे कर्तव्य आणि ध्येय आहे. समाजसेवेतूनच समाधान मिळते. या मोफत आधार कार्ड उपक्रमाचा जास्तीत जास्त नागरिकांनी लाभ घ्यावा,” असे आवाहन त्यांनी केले.

या शिबिरामुळे परिसरातील नागरिकांना आवश्यक सेवा घराजवळच उपलब्ध झाली असून या प्रयत्नाबद्दल नागरिकांनी प्रमोद निम्हण यांचे आभार मानले.

📍 स्थळ: माजी नगरसेवक प्रमोद निम्हण यांचे जनसंपर्क कार्यालय
📅 उपक्रम: मोफत आधार कार्ड नोंदणी सेवा
🎯 उद्दिष्ट: जनसेवेच्या माध्यमातून नागरिकांना सोयीस्कर सुविधा उपलब्ध करून देणे