पाषाण येथील श्री वाकेश्वर ज्येष्ठ नागरिक संघाचा सामाजिक उपक्रम — मराठवाड्यातील पूरग्रस्तांसाठी मुख्यमंत्री सहायता निधीस ७५ हजारांचा चेक सुपूर्त

पाषाण :

सामाजिक बांधिलकी जपत श्री वाकेश्वर ज्येष्ठ नागरिक संघ, पाषाण यांनी मराठवाड्यातील पूरग्रस्तांना मदत म्हणून मुख्यमंत्री सहायता निधीसाठी ₹७५,००० रकमेचा धनादेश पुणे जिल्हाधिकारी श्री जितेंद्र दुडी यांना सुपूर्त केला.

मराठवाडा परिसरात झालेल्या पूरपरिस्थितीमुळे नागरिकांना मदतीचा हात देण्याच्या उद्देशाने संघाच्या सभासदांनी स्वेच्छानिधी जमा केला. या निधीचे रूपांतर करून पंचाहत्तर हजार रुपयांचा धनादेश जिल्हाधिकाऱ्यांकडे सुपूर्त करण्यात आला.

या प्रसंगी संघाचे अध्यक्ष श्री हरीशभाई पाठक, उपाध्यक्ष श्री रमेश जोशी, सचिव श्री रत्नाकर मानकर, खजिनदार श्री गोपाळ निजसुरे उपस्थित होते. तसेच या उपक्रमाच्या यशस्वीतेसाठी सौ. कल्याणी टोकेकर यांचे विशेष सहकार्य लाभले.

जिल्हाधिकारी श्री जितेंद्र दुडी यांनी या सामाजिक उपक्रमाचे व ज्येष्ठ नागरिकांच्या संवेदनशीलतेचे विशेष कौतुक केले व सर्वांचे मनःपूर्वक आभार मानले. त्यांनी सांगितले की, “समाजातील प्रत्येक घटकाने अशा प्रकारे पुढाकार घेतल्यास आपत्तीग्रस्तांना दिलासा मिळण्यास मोठी मदत होते.”

या उपक्रमातून श्री वाकेश्वर ज्येष्ठ नागरिक संघाने समाजाप्रती असलेली आपली जबाबदारी आणि संवेदनशीलता यांचे उत्कृष्ट उदाहरण घालून दिले आहे.