पाषाण :
पेरिविंकल इंग्लिश मीडियम स्कूलमध्ये दिवाळी सणाच्या पार्श्वभूमीवर ‘दिवाळी धमाका’ हा कार्यक्रम मोठ्या उत्साहात पार पडला. दिनांक १७ ऑक्टोबर, शुक्रवार रोजी आयोजित या कार्यक्रमाची सुरुवात दीपप्रज्वलनाने झाली. या वेळी प्रशालेच्या संचालिका आदरणीय शिवानी बांदल, आदरणीय रेखा बांदल, मुख्याध्यापिका वीणा कदम आणि पर्यवेक्षिका नेत्रा काकडे यांच्या हस्ते दीपप्रज्वलन करून कार्यक्रमाचा शुभारंभ करण्यात आला.
प्रशालेचे संस्थापक आदरणीय राजेंद्र बांदल सर यांनी विद्यार्थ्यांना दिवाळीच्या शुभेच्छा देत सण साजरा करताना एकात्मतेचा संदेश दिला. विद्यार्थ्यांनी रांगोळी, पणती सजावट, गायन आणि नृत्य अशा विविध स्पर्धांमध्ये उत्स्फूर्त सहभाग नोंदवला.
कार्यक्रमात विद्यार्थ्यांनी सादर केलेली सांस्कृतिक सादरीकरणे तसेच विविध चविष्ट खाद्यपदार्थांचे स्टॉल्स हे प्रमुख आकर्षण ठरले. संचालिका शिवानी बांदल मॅडम यांनी विद्यार्थ्यांना दिवाळीचे महत्त्व आणि परंपरेचे मूल्य समजावून सांगितले.
शेवटी संस्थेतर्फे सर्व विद्यार्थ्यांना खाऊ वाटप करण्यात आले, तर शिक्षक आणि शिक्षकेतर कर्मचाऱ्यांना मिठाई देऊन सणाचा आनंद साजरा करण्यात आला. संपूर्ण कार्यक्रम उत्साह, आनंद आणि संस्कारमय वातावरणात पार पडला.
More Stories
*‘विनायकी’ विनायक निम्हण शिष्यवृत्ती म्हणजे समाज घडवणारी योजना : पद्मविभूषण डॉ. शां. ब. मुजुमदार*
लोकशाही संस्कारांचा अनोखा उपक्रम; विद्यापीठ हायस्कूलमध्ये शालेय मंत्रिमंडळ निवडणूक उत्साहात
कोथरूड विधानसभा मधील पाषाण-सुतारवाडी लिंक रोड वरील कचऱ्यावरून राजकारण पेटले! अमोल बालवडकरांच्या इशाऱ्यानंतर प्रशासन खडबडून जागे; पण तत्परता फक्त ‘खास’ भागापुरतीच का?