बाणेर येथील ननावरे चौक ते पॅनकार्ड रोड कामाचा प्रश्न मार्गी, मनसे युवा नेते अनिकेत मुरकुटे यांचा सातत्यपूर्ण पाठपुरावा यश….

बाणेर :

ननावरे चौक ते पॅनकार्ड रोड या मार्गावरील काम मागील अनेक वर्षांपासून रखडले होते. या कारणामुळे परिसरातील नागरिकांना प्रचंड गैरसोयींना सामोरे जावे लागत होते. या प्रश्नाचा सातत्याने पाठपुरावा मनसेचे युवा नेते अनिकेत मुरकुटे यांनी केला. त्यांच्या अथक प्रयत्नांनंतर अखेर या रस्त्याचे काम मार्गी लागले आहे.
या कामासाठी स्थानिक शेतकरी आणि पुणे महानगरपालिका यांच्यामध्ये समन्वय साधण्यात आला.

याबाबत बोलताना अनिकेत मुरकुटे म्हणाले की, “नागरिकांची मोठी गैरसोय दूर होणार असल्याचे समाधान मला आहे. बाणेर परिसरातील नागरिक सुजाण असून श्रेय घेण्यापेक्षा त्यांच्या अडचणी दूर झाल्या ही खरी आनंदाची बाब आहे. स्थानिक शेतकरी व नागरिकांचे मौल्यवान सहकार्य मिळाल्यामुळे हे साध्य झाले.”

तसेच त्यांनी स्पष्ट केले की, “खरी कामगिरी कोणी केली याची जाणीव स्थानिक जागामालक आणि नागरिकांना आहे. श्रेय घेणाऱ्यांपेक्षा सातत्याने संघर्ष करणाऱ्यांना लोक ओळखतात.”

या निर्णयामुळे बाणेर परिसरातील नागरिकांची दीर्घकाळाची प्रतीक्षा संपुष्टात येऊन दळणवळण सुलभ होणार आहे.

यावेळी पुणे महानगर पालिकेच्या बांधकाम विभागाचे अभियंता प्रकाश पवार, अजित सणस, आणि स्थानिक शेतकरी अविनाश मुरकुटे उपस्थित होते.