बाणेर येथील मुरकुटे गार्डन चौक आणि कळमकर चौकातील वाहतूक कोंडीवर उपाययोजनां करण्यासाठी समीर चांदेरे यांची वाहतूक शाखेच्या अधिकाऱ्यांसोबत पाहणी…

बाणेर :

मुरकुटे गार्डन चौक आणि कळमकर चौक परिसरात होणाऱ्या भीषण वाहतूक कोंडीमुळे दैनंदिन प्रवाशांना मोठ्या त्रासाला सामोरे जावे लागत आहे. या समस्येवर तोडगा काढण्यासाठी राष्ट्रवादी काँग्रेस पुणे शहर युवक अध्यक्ष समीर चांदेरे यांनी स्थानिक वाहतूक शाखेच्या अधिकाऱ्यांसोबत या परिसराची पाहणी केली. प्रवाशांना दिलासा देण्यासाठी तातडीने उपाययोजना करण्याची मागणी यावेळी करण्यात आली.

या पाहणी दौऱ्यात समीर चांदेरे यांच्यासह राष्ट्रवादी काँग्रेस पार्टी पुणे शहर उपाध्यक्ष राहुल दादा बालवडकर, वाहतूक शाखेचे पोलीस निरीक्षक प्रसाद डोंगरे आणि पोलीस हवालदार सागर बाबरे सहभागी झाले होते. वाहतूक कोंडीची नेमकी कारणे आणि त्यावर तात्पुरते तसेच कायमस्वरूपी उपाय काय असू शकतात, याबाबत चर्चा करण्यात आली.

यावेळी मुरकुटे गार्डन चौकातील वाहतूक कोंडीचा प्रश्न लवकरात लवकर मार्गी लावण्यासाठी या चौकात सिग्नल यंत्रणा बसवण्याची मागणी वाहतूक पोलिसांना करण्यात आली. यामुळे वाहतूक व्यवस्था अधिक सुरळीत होईल आणि प्रवाशांचा वेळ वाचेल, अशी आशा व्यक्त करण्यात आली.