बाणेर येथील ओरिअन रेजेन्सीसमोरील पदपथाचे काम वेगात; पावसाच्या त्रासावर समीर चांदेरे यांच्या प्रयत्नामुळे कायमचा तोडगा..

बाणेर :

पावसाच्या पाण्यामुळे बाणेर येथील ओरिअन रेजेन्सी सोसायटीतील रहिवाशांना होणारा त्रास कमी करण्यासाठी पुणे महानगरपालिकेकडून महत्त्वपूर्ण पाऊल उचलण्यात आले आहे. माजी स्थायी समिती अध्यक्ष मा. बाबुराव चांदेरे यांच्या मार्गदर्शनाखाली राष्ट्रवादी काँग्रेसचे पुणे शहर युवक अध्यक्ष समीर चांदेरे यांनी या समस्येचे निराकरण करण्यासाठी पुढाकार घेतला होता.

ओरिअन रेजेन्सी सोसायटीसमोरील पदपथाचे काम वेगात

काही दिवसांपूर्वी समीर चांदेरे यांनी ओरिअन रेजेन्सी सोसायटीच्या रहिवाशांसोबत बैठक घेतली होती. या बैठकीत पावसाचे पाणी सोसायटीच्या आत शिरल्याने रहिवाशांना होणाऱ्या त्रासावर चर्चा करण्यात आली. त्यानंतर, त्यांनी महानगरपालिकेच्या अधिकाऱ्यांसमवेत जागेची पाहणी करून या समस्येवर तोडगा काढण्याचे आश्वासन दिले होते.

या प्रयत्नांना यश आले असून, महानगरपालिका प्रशासनाने ओरिअन रेजेन्सी सोसायटीसमोरील पदपथाचे काम वेगाने सुरू केले आहे. हे काम रहिवाशांना पावसाळ्यात होणाऱ्या त्रासातून दिलासा देण्यासाठी अत्यंत महत्त्वाचे आहे.

राष्ट्रवादी काँग्रेस पुणे शहर युवक अध्यक्ष समीर चांदेरे यांच्याकडून कामाची पाहणी

आज समीर चांदेरे यांनी सुरू असलेल्या कामाची प्रत्यक्ष पाहणी केली आणि त्याचा आढावा घेतला. कामाची प्रगती समाधानकारक असल्याचे त्यांनी सांगितले. या कामामुळे पावसाचे पाणी सोसायटीत शिरणार नाही आणि रहिवाशांना मोठा दिलासा मिळेल अशी अपेक्षा आहे.