बाणेर येथील भैरवनाथ मंदिरात आशीर्वाद घेऊन जयेश मुरकुटे यांची परिवर्तनाच्या लढाईला सुरुवात

बाणेर :

प्रभाग क्रमांक ९ मध्ये राष्ट्रवादी काँग्रेस (शरद पवार) पक्षाचे अधिकृत उमेदवार जयेश मुरकुटे यांच्या प्रचाराचा शुभारंभ बाणेर भैरवनाथ मंदिरात विधिवत पूजन व आशीर्वाद घेऊन मोठ्या उत्साहात करण्यात आला. या प्रसंगी परिसरातील रहिवासी, सहकारी मित्र, पक्षाचे कार्यकर्ते व पदाधिकारी मोठ्या संख्येने उपस्थित होते.

प्रचार शुभारंभाच्या वेळी उपस्थित नागरिकांमध्ये उत्साहाचे वातावरण होते. विकासाभिमुख, तरुण आणि सुशिक्षित नेतृत्वाची गरज असल्याची भावना नागरिकांनी व्यक्त केली. प्रभागाच्या सर्वांगीण विकासासाठी सक्षम व जनतेशी थेट संवाद साधणारा लोकप्रतिनिधी आवश्यक असल्याचे मत यावेळी अनेकांनी मांडले.

जयेश मुरकुटे यांनी उपस्थितांचे आभार मानत सांगितले की, प्रभागातील मूलभूत सुविधा, पायाभूत विकासकामे, स्वच्छता, वाहतूक, पाणीपुरवठा तसेच युवक व महिलांच्या प्रश्नांना प्राधान्य देऊन काम करण्यात येईल. नागरिकांच्या सहकार्याने आणि आशीर्वादाने परिवर्तनाची ही लढाई निश्चितच यशस्वी होईल, असा विश्वास त्यांनी व्यक्त केला.

“परिवर्तन घडवूया, जयेश निवडूया” या घोषवाक्यासह प्रचाराचा हा शुभारंभ प्रभाग क्रमांक ९ मध्ये नव्या आशा आणि अपेक्षांना बळ देणारा ठरला आहे.