बाणेर येथील तुकाई माता मंदिर पायऱ्यांच्या सुशोभीकरण कामाचे उद्घाटन ..

बाणेर :

बाणेर येथील श्रद्धास्थान असलेल्या तुकाई माता मंदिराकडे जाणाऱ्या पायऱ्यांच्या सुशोभीकरण कामाचे उद्घाटन आज उत्साहात पार पडले. अनेक वर्षांपासून पायऱ्यांची व रस्त्याची दुरवस्था झाल्यामुळे मंदिरात दर्शनासाठी जाणाऱ्या ग्रामस्थांना मोठ्या अडचणींचा सामना करावा लागत होता. या पार्श्वभूमीवर सुशोभीकरणाचे काम हाती घेऊन मंदिरापर्यंतची वाट अधिक सुलभ, सुरक्षित आणि आकर्षक करण्याचा उपक्रम सुरू करण्यात आला आहे.

स्थानिक विकासकामांना चालना देणे आणि नागरिकांसाठी आवश्यक सुविधा उपलब्ध करणे ही सामूहिक जबाबदारी असल्याचे सांगत माजी स्थायी समिती अध्यक्ष बाबुराव चांदेरे यांनी या कामाचे उद्घाटन केले. “ग्रामस्थांच्या सोयीसाठी आणि श्रद्धास्थानाच्या जतनासाठी ही कामे करणे हे आमचे कर्तव्य आहे,” असे ते म्हणाले.

उद्घाटनप्रसंगी पुणे शहर राष्ट्रवादी काँग्रेसचे उपाध्यक्ष श्री राहुल बालवडकर, श्री पांडुरंग कळमकर, श्री दत्तात्रय कळमकर, श्री सत्यवान कळमकर, श्री संतोष कळमकर, श्री अभिजीत कळमकर, श्री सुमित कळमकर, श्री राजेंद्र अर्जुन कळमकर तसेच कळमकर परिवारातील अनेक सदस्य उपस्थित होते.

या सुशोभीकरणाच्या कामामुळे तुकाई मातेच्या दर्शनाची वाट अधिक सोयीस्कर होणार असून ग्रामस्थांनी समाधान व्यक्त केले आहे.