*सज्जनगडावर पेरिविंकल स्कूलच्या पिरंगुट शाखेच्या विद्यार्थ्यांची स्वच्छता मोहीम !! ऐतिहासिक ज्ञानासह स्वच्छतेचा संदेश..*

पिरंगुट :

चैतन्य विद्या प्रतिष्ठान संचलित पेरिविंकल इंग्लिश मीडियम स्कूल अँड ज्युनिअर कॉलेजच्या इयत्ता नववी व दहावीच्या विद्यार्थ्यांसाठी शनिवार, दिनांक ३ ऑक्टोबर २०२६ रोजी सज्जनगड किल्ला, श्रीमती काशीबाई माधवराव गावंड यांचे ऐतिहासिक वस्तू संग्रहालय व आनंद रिसॉर्ट येथे शैक्षणिक सहलीचे आयोजन करण्यात आले होते. विद्यार्थ्यांनी या सहलीत उत्स्फूर्त सहभाग घेत ऐतिहासिक ज्ञान, निसर्गाचा आनंद आणि सामाजिक जबाबदारी यांचा सुंदर संगम अनुभवला.

या सहलीदरम्यान विद्यार्थ्यांनी सज्जनगड किल्ल्याला भेट देऊन त्याचे ऐतिहासिक महत्त्व, सांस्कृतिक वारसा आणि ऐतिहासिक वास्तूंचे जतन व संवर्धन यांविषयी माहिती जाणून घेतली. पुस्तकी ज्ञानासोबत प्रत्यक्ष अनुभवातून इतिहास समजून घेण्याची संधी विद्यार्थ्यांना मिळाली. ऐतिहासिक स्थळांचे महत्त्व जाणून घेताना आपल्या समृद्ध वारशाचे संरक्षण करणे ही प्रत्येकाची जबाबदारी आहे, याची जाणीव विद्यार्थ्यांमध्ये निर्माण झाली.

सहलीच्या निमित्ताने स्वच्छता मोहिमेच्या माध्यमातून स्वच्छतेचा आणि पर्यावरण संवर्धनाचा संदेश देण्यात आला. सार्वजनिक ठिकाणे व पर्यटनस्थळे स्वच्छ ठेवणे, कचरा योग्य ठिकाणी टाकणे आणि परिसराचे सौंदर्य जपणे याबाबत विद्यार्थ्यांना मार्गदर्शन करण्यात आले. या उपक्रमातून विद्यार्थ्यांमध्ये स्वच्छतेची आवड, पर्यावरणाविषयी जागरूकता आणि सामाजिक बांधिलकी विकसित करण्याचा प्रयत्न करण्यात आला.

त्यानंतर आनंद रिसॉर्ट येथे विद्यार्थ्यांनी विविध मनोरंजक क्षणांचा आनंद घेतला. या सहलीमुळे विद्यार्थ्यांमध्ये मैत्री, सहकार्य, शिस्त आणि संघभावना वृद्धिंगत होण्यास मदत झाली. शिक्षण केवळ वर्गापुरते मर्यादित नसून प्रत्यक्ष अनुभवातूनही ज्ञान मिळते, हा महत्त्वपूर्ण संदेश या सहलीतून विद्यार्थ्यांना मिळाला.

या शैक्षणिक सहलीचे नियोजन व व्यवस्थापन व्हिजन एज्युकेशनल टूर्स अँड ट्रॅव्हल्स यांच्या सहकार्याने अत्यंत शिस्तबद्ध आणि नियोजनपूर्वक करण्यात आले. सहलीतील प्रवास, वेळेचे नियोजन, विद्यार्थ्यांची सुरक्षितता, निवास व भोजनव्यवस्था तसेच विविध स्थळांना भेटी यांचे सुयोग्य व्यवस्थापन करण्यात आले. 

या संपूर्ण आयोजनात सर्व शाखाप्रमुख सौ. निर्मल पंडित यांचे महत्त्वपूर्ण मार्गदर्शन, प्रभावी नियोजन आणि व्यवस्थापन लाभले. त्यांच्या सूक्ष्म नियोजनामुळे सहल सुरक्षित, सुरळीत आणि विद्यार्थ्यांसाठी आनंददायी ठरली.

या शैक्षणिक उपक्रमाच्या यशस्वी आयोजनाबद्दल चैतन्य विद्या प्रतिष्ठानचे संस्थापक अध्यक्ष मा. श्री. राजेंद्र बांदल सर, संचालिका सौ. रेखा बांदल, संचालिका कु. शिवानी बांदल, सर्व शाखाप्रमुख सौ. निर्मल पंडित, मुख्याध्यापिका सौ. इनायत मुजावर, पूर्व प्राथमिक विभागप्रमुख सौ. पल्लवी नारखेडे, प्राथमिक विभागप्रमुख सौ. सना इनामदार, माध्यमिक विभागप्रमुख सौ. रुपाली गर्ग आणि संपूर्ण शिक्षकवृंद यांनी विद्यार्थ्यांचे अभिनंदन करून सर्व शिक्षकवृंद ,पालकवर्ग आणि सहलीच्या आयोजनात योगदान देणाऱ्या सर्व कर्मचाऱ्यांचे कौतुक केले.

इतिहासातून प्रेरणा, अनुभवातून ज्ञान आणि स्वच्छतेतून परिवर्तन!” या संदेशासह ही शैक्षणिक सहल विद्यार्थ्यांसाठी ज्ञानवर्धक, आनंददायी आणि संस्मरणीय ठरली.