बालेवाडी :
बालेवाडी-बाणेर परिसरातील विविध रस्त्यांवर पडलेल्या खड्ड्यांमुळे नागरिकांना मोठ्या प्रमाणात त्रास सहन करावा लागत असल्याच्या पार्श्वभूमीवर सामाजिक कार्यकर्ते श्री मोरेश्वर बालवडकर यांनी औंध-बाणेर क्षेत्रीय कार्यालयाचे सहाय्यक आयुक्त श्री विजय नायकल यांच्याकडे तातडीने पाहणी करून खड्डे बुजविण्याची मागणी केली होती.
या मागणीची तत्काळ दखल घेत सहाय्यक आयुक्त श्री विजय नायकल, श्री लांडे, श्री रामदासजी आणि श्री भागवतजी यांनी संबंधित परिसराला प्रत्यक्ष भेट देऊन रस्त्यांची पाहणी केली. पाहणीदरम्यान नागरिकांच्या अडचणी जाणून घेत रस्त्यांवरील खड्डे लवकरात लवकर बुजविण्यात येतील, असे आश्वासन प्रशासनाच्या वतीने देण्यात आले.
बालेवाडी-बाणेर परिसरात वाहतुकीची मोठी वर्दळ असल्याने खराब झालेल्या रस्त्यांमुळे अपघाताचा धोका वाढला असून नागरिकांच्या दैनंदिन प्रवासावर त्याचा परिणाम होत आहे. त्यामुळे खड्ड्यांची तातडीने दुरुस्ती करून रस्ते सुरक्षित करावेत, अशी मागणी श्री मोरेश्वर बालवडकर यांनी प्रशासनाकडे केली आहे.
More Stories
भाजपा कोथरूड उत्तर मंडल अंतर्गत सुस-म्हाळुंगे प्रभागाध्यक्षपदी श्री. सचिन भीमा पाडाळे यांची निवड पाषाण : भारतीय जनता पक्षाच्या कोथरूड उत्तर मंडल अंतर्गत सुस-म्हाळुंगे प्रभागाध्यक्ष म्हणून श्री. सचिन भीमा पाडाळे यांची नियुक्ती करण्यात आली आहे. त्यांची नियुक्ती भाजपा कोथरूड विधानसभा उत्तर मंडल अध्यक्ष सचिन पाषाणकर यांनी जाहीर केली. यावेळी श्री. सचिन भीमा पाडाळे यांचे हार्दिक अभिनंदन करून त्यांच्या पुढील राजकीय व सामाजिक वाटचालीस मनःपूर्वक शुभेच्छा देताना अध्यक्ष सचिन पाषाणकर यांनी सचिन पाडळे यांचा सामाजिक राजकीय क्षेत्रातील अनुभव पक्षाचा संघटनात्मक विस्तार करण्यासाठी व पक्ष बांधणी करण्यासाठी उपयुक्त ठरेल असा विश्वास व्यक्त केला. तसेच त्यांच्याकडून ‘राष्ट्रप्रथम’ या भावनेतून भारतीय जनता पार्टीचा विचार सर्वदूर पोहचवून पक्षाने दिलेल्या कार्यक्रमाची यशस्वी अंमलबजावणी होईल याची खात्री बाळगली.
*ना. चंद्रकांतदादांच्या यशस्वी पाठपुराव्याला मोठे यश* *राष्ट्रीय पुस्तक न्यासाचे (NBT) क्षेत्रीय कार्यालय बाणेर येथे उभारणार*
*‘विनायकी’ विनायक निम्हण शिष्यवृत्ती म्हणजे समाज घडवणारी योजना : पद्मविभूषण डॉ. शां. ब. मुजुमदार*