पेरीविंकल बावधनच्या विद्यार्थ्यांना विविध क्रीडा स्पर्धेत पटकावले सुवर्णपदक.

बावधन :

९ डिसेंबर अहिल्यानगर, येथे झालेल्या महाराष्ट्र ओपन स्टेट त्वायकोंदो चॅम्पियनशिप २०२४-२५ स्पर्धेत १८ किलो वजन गटात पेरीविंकल इंग्लिश मीडियम स्कूल व ज्युनिअर कॉलेज, बावधन येथील इयत्ता पहिलीत शिकणारा विद्यार्थी मल्हार दिपक कंधारे ह्याने रौप्यपदक पटकावले. तसेच गंगाधाम बिबेवाडी येथे 12 जानेवारी रोजी झालेल्या त्वायकोंदो चॅम्पियनशिप स्पर्धेत इयत्ता नववीत शिकणाऱ्या आर्यन देसाई याने सुवर्णपदक पटकावले.

विद्यार्थ्यांना पेरिविंकल स्कूलमध्ये केवळ शिक्षणच नव्हे तर इतर सुप्त गुण वाढीस लागण्यासाठी शाळा नेहमीच प्रयत्नशील असते व तसे प्रोत्साहन मुलांना नेहमीच दिले जाते. विद्यार्थ्यांमधील इतर कलागुणांना वाव देण्यासाठी शाळेतील शिक्षक नेहमीच अविरतपणे झटत असतात.

यावेळी चैतन्य विद्या प्रतिष्ठानचे अध्यक्ष व संस्थापक श्री. राजेंद्र बांदल सर व संचालिका सौ. रेखा बांदल व तडफदार संचालिका कु.शिवानी बांदल यांनी मल्हार,आर्यन व त्यांच्या पालकांचे अभिनंदन करत पुढील वाटचालीस शुभेच्छा दिल्या. तसेच शाळेच्या मुख्याध्यापिका सौ. निर्मल पंडित पर्यवेक्षिका कल्याणी शेळके, शिरीन काझी तसेच क्रीडा शिक्षक श्री. सुरज साठे सर यांचे मार्गदर्शन मोलाचे ठरले.